罕有勝仗

白鴿黨在將士用命及形勢有利下勝出南豐補選,兼且能大敗第一大黨對手,對黨的士氣及團結打了一支強心針.

只是明年大選將至,希望年青人穩紮穩打守住社區,使東區不致給對手蠶食清袋.一次勝仗,不代表永遠的勝利,惟望年青人不要太自滿.

This entry was posted in 政經心得, 選戰春秋. Bookmark the permalink.

9 Responses to 罕有勝仗

  1. chanwai says:

    單鷄要檢討了!

  2. 真心的人 says:

    選舉當日大約下午五點左右由康怡走入去睇睇,禮義廉半山嘉怡同維園潔冰鎮守地鐵站口,由於二人只係地保,街坊反應一般。
    去到趕亞婆走既公園仔,由於係十字街口(英皇道基利路)兼且近投票站,所以有必搶的需要(不過好似係投票站200米範圍,未有詳加研究)同時都見到太古城白鴿係度扶正爛直幡。
    沿基利路入去先見到投票站,有人舉牌提醒選民可以唔使做問卷調查,可能呢個已經係飯民新招,因為之前係沙田田心見過。
    過左投票站,就會見到瞓街卿同漢華葉與你相見,雙方亦有斜坡上面個路口派人。而碧雲斜神正正由投票站走上去匯合瞓街卿。
    兜到栢蕙苑(即一屋七姓九選民屋苑)後面,見到舊樓店舖貼上二人海報,當然禮義廉較多,回到英皇道,店舖、住宅大堂都貼上禮義廉海報,其實呢批大廈係柏架山黃生的勢力範圍,所以呢批海報只係舊區今次活動叫補選咁解。
    由此可見,今次禮義廉只係派人唔比你自動當選,未必要誅殺呢隻乳鴿。
    我維持上篇新人黨先係下屆真命天子的看法,始終南豐係港島區上車盤,用專業包裝呃票會易啲。

    • hk人 says:

      講真畀我係掃把,一定優先打康怡,康山兩個公民袋先la,上次兩區贏的票差小,加上年紀比較大

    • Derek Greyhound says:

      同意第一大黨未必派最強人選出戰,這可能與內部協調有關,也可能是心繫下年大選,補選成績可用作部署或與同路人談判分地之根據.

      白鴿黨這回初時走勢似一般,但對手未有太太威脅下加上負面新聞,形成強弱之勢漸成,故今回是難得的勝仗,也希望經歷過艱難而不自滿,竭力守著小區.

  3. chanwai says:

    同灰狗兄意見唔同。最好東區全部議席畀建制派攞晒,到時民建聯同工聯會同其他獨立親中議員自己打自己,甚至民建聯內部又可能內訌;到時就精彩!可惜泛民喺東區有若干議員,令建制派有共同敵人,未致內亂。
    我所講有事實根據,鍾樹根辭去區會主席,民建聯企圖霸佔正副主席,引起工聯會不滿!

    • Derek Greyhound says:

      一個議席四年從政府得到的營運資源應有約一百萬,對第一大黨及富貴黨等當然是九牛一毛,但對大部分泛民地區工作者而言是救命水,故不可能輕言不要議席.

      個人不同意任何一個行政區完全一言堂,昔日泛民全佔葵青十七席的日子,也有倒行逆施的情況,故為了地區,為了居民利益,一個地區完全由一派人佔據,是起不了監察的作用,受害的是市民和社區.實力不及對手給人清枱,敗亦無話可說,但在仍有一線生機時,絕不輕言放棄,加上年青人要經歷汗水與辛勞,才能領略付出與收獲的可貴.

      東區是一個大區,若全部由建制派佔據,將會是地區行政的惡夢.加上大區議席多,一旦建制派全取議席,未必會出現閣下所說鬼打鬼的內鬥情況,反而會令建制派供完會,第一大黨,新人黨等分地而治,世襲議席,這才是最不健康及最可悲的情況.

      建制派內鬥情況在立會選舉出現機會較大,因為在比例代表制下,拉同一陣營的票較拉其他票容易.區會用單議席單票制,並無誘發自己打自己的動機.

      • hk人 says:

        同意,正好似北區第一大黨接近一黨專政,就出現左有個問題就係巴士線亂改冇人好好監察,畀第一大黨任意妄為

  4. 蔓陀羅 says:

    serch 返補選d野先知大力灰狗有提呢個補選。

    我係呢個選舉既局內人,可提供少少資料

    1. 呢條白鴿團隊基本上係非鴿化,當中唔少人唔係鴿人,而且仲承受極高風險下排拒鴿既干擾

    2. 非鴿外藉兵團,策略亦與鴿有別,初期既低調係有目的性

    3. 呢區因為區議會主席既私人因素,暫時掃把頭無意介入

    • 真心的人 says:

      蔓陀羅前輩:

      多謝你的資料,跟住有幾條跟進問題想問下你:

      1.”呢條白鴿團隊基本上係非鴿化仲承受極高風險下排拒鴿既干擾”,咁會唔會搞到烏溪沙麥仔咁,支部唔推薦佢連任?

      2.”呢區因為區議會主席既私人因素,暫時掃把頭無意介入”
      私人因素,唔通係學大埔無左個地保位羅生咁,傳比個仔?咁飯民會唔會叉隻腳落去?

      3.毒果早兩日提過鰂魚涌以西只有丹拿有公民袋落場,同我年頭由高登仔了解一樣無變過,咁成個北角班福建同鄉咪可以搬入南豐康怡康山太古城?
      P.S.本來有幫高登仔手,不過見到太多飯民同左膠搞其他區,最後做到無癮,走左LU

Leave a Reply

Your email address will not be published. Required fields are marked *

*